列支敦斯登大公國（德語：Fürstentum Liechtenstein）係一個位於中歐嘅小國，夾喺瑞士同奧地利兩國之間。呢個到今時今日仍然實施君主立憲制嘅山區小國雖然土地狹小兼人口稀少，但係佢就擁有異常高嘅國民所得水準，佢人均國內生產總值高達50,000美元，係世界第一位。佢係一個以阿爾卑斯山美麗風光、避稅天堂與高生活水準而著名嘅富裕小國。