口語，或口講嘅說話，係用把口講出嚟嘅自然語言，差唔多全世界嘅語言都係口語。

特色
口語嘅相對係書面語。最初人嘅語言係口語， 文字出現，書面語跟住發展出嚟。
口語係自然語言係相對於人工語言嚟講嘅。之所以「自然」係因為口語直接講出嚟，唔似書面語可以有多多人工嘅規則，好似：先生對學生咁講：「呢編嘢嘅呢句唔啱文法，寫過」。最人工化嘅語言就係電腦程式語言 (computer programming language)，係由人設計出嚟嘅。
喺語言學嚟講，口語直接顯露人講嘢嘅真正特色， 而書面語言只係「修改過」嘅講嘢記錄，語言學家攞「口講嘅說話」嚟做資料，作出分析，事關佢哋認為日常嘅說話更眞。從語法觀點嚟睇，口講嘅說話通常有自己嘅一套語法，有時同書面語言語法好唔同。
今時今日，仲有語言係講倒寫唔倒，即係有口語冇書面語。