（科：睇正文）
鯨魚屬於鯨目（Cetacea）嘅生物，係水棲動物，大部份住喺海洋。雖然鯨魚呢個名有個魚字，但係佢地係哺乳動物，唔係魚。目前，科學分別到嘅鯨魚有大約 80 個品種。

鬚鯨亞目 Mysticeti 齒鯨亞目 Odontoceti 古鯨亞目 Archaeoceti （絕種）
保育
主文： 捕鯨
捕殺鯨魚有分科研性捕鯨同埋商業性捕鯨。科研性即係用捕捉返來嘅鯨魚來做研究；商業性捕鯨，係捉鯨魚來食。
目前，國際捕鯨協會（IWC，International Whaling Commission）已禁止一切商業性捕鯨；可惜，日本、挪威同冰島都用科研為理由捕殺鯨魚。事實上係捉鯨魚來食，即是商業性捕鯨。利用呢條法律罅（音 la3），日本總共成功捕鯨 41 次。
日本仲用鯨肉來做學生嘅飯盒，想新一代嘅日本人食多啲鯨魚，等日本啲鯨肉製作有錢收，惹起各生物學者同鯨魚迷嘅反感.
2006年1月，綠色和平企圖出海阻止日本嘅鯨類研究所，鯨類研究所冇讓步, 用捕鯨船『第一京丸』 （Kyomaru 1）仲有『日新丸』（Nisshin Maru）同綠色和平撞船。『第二勇新丸』（Yushin Maru 2）向綠色和平嘅工作人員噴水，『勇新丸』（Yushin Maru）嘅捕鯨者用水同鯨血噴綠色和平嘅工作人員。因為爛船，綠色和平只好去維修船隻，令鯨類研究所成功捕獲 845 隻鯨魚。其中有品種為受保護品種。
2006年11月15號，日本出咗 6 條前往南極嘅捕鯨船，準備捉 945 條鯨魚，分別係 935 條小鬚鯨同埋 10 條長鬚鯨，又表示，好可能會捉 50 條座頭鯨，但係，因為捕鯨船著火，未能如願。