提款機係一可以做到銀行">銀行櫃員攞錢工作嘅機，唔單止提款，部機可以畀客人做入錢，轉賬等等唔同交易。提款機其實係部電腦通訊">電腦通訊裝置，駁埋銀行中央電腦系統。提款機又叫櫃員機、自動提款機、自動櫃員機。自動櫃員機係譯自英文Automatic Teller Machine，簡寫做ATM。用提款機攞錢叫㩒錢，因提款機要㩒制先攞到錢。
提款機係銀行第一種畀客自己用嘅機器，之後重有打簿機、入錢機同入票機，減省銀行櫃員工作，長遠亦都幫銀行慳人工錢。

歷史
提款機基本上係一部電腦，有讀咭機，讀取磁咭或智能咭上面嘅客戶資訊，同埋一個鍵盤，用嚟輸入交易資料。另外有部顯示器，會寫出命令同資訊，重有部打印機印收據，同埋一部駁住夾萬嘅紙幣發放機。
而提款機可以用來查戶口資料、提款、找數、申請支票簿同月結單，兼且可以改戶口密碼等基本功能。

提款機嘅基本功能
近年銀行為咗慳返啲人手，推出咗一啲只會負責存款嘅櫃員機。例如掃描支票影像嘅入票機。呢類機一般無咗紙幣發放機，亦無咗轉賬果啲功能。但會有掃描器，用嚟掃描入嚟嘅支票同紙幣，同埋存放收番嚟嘅支票同紙幣嘅夾萬。

特別櫃員機

軟硬件
依家嘅自動櫃員機，用嘅作業系統同我哋一般用嘅差不多，包括咗 UNIX 家族嘅作業系統，例如 Linux，亦都有櫃員機用 Microsoft Windows，依家重有唔少舊款提款機用緊 OS/2 以及 RMX。
除咗傳統嘅作業系統，依家亦都有公司，用 Java 作為提款機嘅作業環境。
以匯豐為例，全線ATM已經喺2007年7月由 OS/2 嘅作業系統轉為 WinXP，並且加入自動修復嘅功能。當硬件有問題發生，軟件會發出指令更正有關錯誤，令服務不至於中斷。

作業系統

智能卡
有部分日本銀行嘅櫃員機，已經用到指紋等生物認證技術，比密碼，以至加密咗嘅密碼，更加能夠防止黑客嘅入侵。

生物認證
雖然依家嘅自動櫃員機，都有唔少嘅保安功能。但係始終有啲保安上嘅問題，仍然需要去解決。

保安問題
由於IBM唔再推出OS/2，令唔少原本用開OS/2嘅櫃員機要改作業系統。由於唔少櫃員機改咗用Windows作業系統，加上唔少銀行嘅櫃員機網絡會用IP做骨幹，會令櫃員機有機會成為黑客嘅目標。

磁帶保安
世界各地銀行負責營運嘅提款機極少會出假銀紙，但喺中國，有唔少存戶試過喺銀行提款機收到假銀紙。呢種嘢無得防，只可以報警。