首都或者首府一般係一國或者一地，響政治上最重要嘅城市。亦都係政府機關同政府首長所在地，由法律訂明。一國之下，國以下嘅中心，按國嘅性質唔同，都會有唔同稱呼。響聯邦制下，各邦都可以叫做首都。響一元國，就可能叫行政中心，或者其他類似叫法。
響現代中國，會叫一國之首做首都，而一地之首做首府。而英文裏面並無呢個分別，而都叫做 capital，所以經常引起誤會。
從歷史來睇，首都多數係一國或者一區嘅經濟中心，繼而成為權力中心，再用佢嘅實力攻佔或拼入周圍地方。倫敦同莫斯科就係一例。
一個國家可以根據個別嘅國情有多過一個首都，例如南非嘅行政首都係比勒陀利亞（Pretoria）， 立法首都係開普敦（Cape Town），司法首都係布隆方丹（Bloemfontein）。而政府所在地又可以唔喺首都，例如荷蘭嘅政府所在地係海牙（The Hague），而唔係首都阿姆斯特丹（Amsterdam）。
沒有留言:
發佈留言