字幕係顯示電視、電影或者舞台劇入面嘅聲同對白之類非影像內容嘅文字，同埋影片後期加工時加嘅字。
影片嘅對白字幕一般喺螢光幕下面出現；而戲劇嘅字幕，就可能打落舞台兩邊或者上邊。
字幕可以幫觀眾明白節目內容；亦可以用嚟譯啲節目嘅外文，畀唔識聽外文嘅觀眾，既聽到原作嘅聲，亦理解埋節目嘅內容。