四書五經係九本中國古時儒家重要、經典著作。四書指《論語》、《孟子》、《大學》、《中庸》。而五經指《詩經》、《尚書》、《禮記》、《周易》、《春秋》，簡稱為「詩、書、禮、易、春秋」，其實本來應該有六經，重有一本《樂經》，夾埋叫「詩、書、禮、樂、易、春秋」，後來畀秦國燒咗，剩低五經。其實五經係大漢嗰陣而已定落嘅經典，而四書就係大宋理學家朱熹特別揀出來。