三棟屋係香港荃灣一條村，係陳氏村落。原本條村響牛牯墩，後尾起地鐵搬咗去象山邨北便，響大帽山南面山腰。

舊址
原本三棟屋響牛牯墩西邊，係一條圍村，後尾覺得佢保留得好好，村民搬走之後就做咗三棟屋博物館。
三棟屋係陳氏嘅村。陳氏原本住響福建汀州府寧化縣，後尾有一支搬到去廣東省廣州府新安縣羅芳。去到第十三代，陳任盛搬到荃灣，佢嘅叔伯，關同口村祖先，教陳任盛點樣耕田。佢帶住四個仔，好勸力填海開地，最後響大窩口老屋場起咗間草屋。
大仔陳健常係醫師，又識風水，所以都幾發。而其餘三個仔陳偀常，陳偉常同陳倬常，都係耕田，生活叫過得去。大仔健常定咗落來，就想搵地開村。佢睇中孫氏一塊地，響牛牯墩西便，風水極佳。