（如果想搵關於球賽術語嘅意思，可以去烏龍波參考，如果想知道關於茶類飲品嘅資料，可以查吓烏龍茶）
烏龍係香港流行嘅俗語之一，意思即係話一個人嘅行為好大意，可能關於做嘢、講嘢，又可能成日認錯人…等，係屬於形容詞，而動詞通常會喺前面加個「擺」字。
用以下嘅例子嚟加以說明用法：
明明叫阿仔去街市買薑，佢就買咗蔥返嚟，咁做阿媽嘅就用咁嚟鬧個仔：「阿仔乜你咁烏龍架？快啲去買過啦！」
而阿仔就咁樣答：「哎呀對唔住阿媽，我擺咗烏龍呢，我即刻去買過啦…」
「擺烏龍」亦都可以用喺足球賽入面。（詳情可參考烏龍波）